Abakinnyi babiri ba “Rwanda Olympic Team” basigaje gukora amarushanwa mu mikino olempike ibera i Rio muri Bresil, BYUKUSENGE NATHAN muri mountain bike na UWIRAGIYE AMBROISE muri marathon, bamaze kugera i Rio.
Kuwa kabiri 16.08.2016 bakoze imyitozo yoroheje yo kunanura ingingo no kugabanya umunaniro kubera ingendo ndende, guhera kuri uyu wa gatatu bakaza gutangira imyitozo yimbitse ahazabera amarushanwa.
Ku cyumweru 21.08.2016, BYUKUSENGE Nathan azasiganwa muri mountain bike naho UWIRAGIYE Ambroise muri marathon mu bagabo, twabibutsa ko ari nawo munsi wo gusoza imikino olempike Rio 2016 yaberaga i Rio de Janeiro muri Brazil.
