Prezida wa komite Olempike y’u Rwanda Bayigamba Robert ari kumwe n’umunyambanga mukuru Rutagengwa Philibert, basuye kandi bakorana inama n’abagize Rwanda Olympic Team aho bacumbitse muri Olympic Village.
Baganiriye kandi basuzumira hamwe uko abakinnyi basoje amarushwanwa bitwaye.
Habaye no kungurana ibitekerezo ku byafasha abatarakina, ibyo gukosorwa no kunoza muri gahunda ziri imbere zijyanye no gutegura abakinnyi n’amarushwanwa ku buryo bw’ubunyamwuga.
Ni ikiganiro cyarimo chef de mission akaba na Vice-President wa Komite Olempike Manirarora Elie, abakinnyi, abatoza, abaganga, mecanicien n’abandi bashinzwe imirimo itandukanye.
